Nýtt skipulag á vornámskeiði

Líkt og auglýst hefur verið stóð til að fá erlendan gestakennara til þess að sjá um hluta af kennslu á vornámskeiði skólans. Okkur þykir miður að tilkynna að sökum óviðráðanlegra aðstæðna mun Kameron Bink ekki koma til landsins eins og fyrirhugað var. Þetta varð okkur ljóst seint í gærkvöldi og eru bæði skólinn og Kameron miður sín yfir því að svona hafi farið. Það kemur þó ekki að sök, við höfum farið í breytingar á skipulagi, snúið aðstæðum í tækifæri og sett upp nýja dagskrá.

Dansskólinn mun innleiða nýtt skipulag í kennsluskrá. Skipulag sem löngum hefur staðið til að innleiða og á sér fyrirmynd í dansskólum um allan heim. Hörfum við þá frá því skipulagi að halda föstum kennara á danshóp og munu kennarar þess í stað kenna hverjum danshóp, í hverri stöð, í eina viku í senn. Þannig fær hver danshópur nýjan kennara sem sérhæfir sig í ákveðnum dansstíl í viku hverri.
Dansstílar sem kenndir verða á vornámskeiði eru Contemporary, Jazz og Modern dansar. Auk þess verða kenndir danstímar sem kallast Commercial Choreography. Það er ekki dansstíll heldur frjáls túlkun danskennara samsett í dansrútínu (choreography). Hér er dansstílum blandað saman og oftar en ekki kemur innblástur úr ákveðnum dansstílum, allt frá jazz til street dansa.
Nánari upplýsingar um námskeiðið er að finna hér á heimasíðu skólans.

Myndasería í Morgunblaðinu

Æðisleg myndasería af nemendasýningu skólans birtist í Morgunblaðinu á laugardaginn. Það er enginn annar en ljósmyndameistarinn Árni Sæberg, ljósmyndari hjá Morgunblaðinu, sem tók myndir af nemendum okkar. Þetta er glæsileg sería sem gaman er að skoða. Endilega smellið á link-inn hér að neðan til þess að sjá umfjöllunina.

https://secure.creditinfo.is/fmvopen/ScriptData.aspx?script=3956451

Myndir af sýningu


Við höfum birt mikið af myndum frá sýningunni okkar hér á heimasíðunni og á Facebook síðu skólans á undanförnum dögum. Frábærar myndir úr hópmyndatöku af öllum hópum skólans, sem og myndir af sýningunni sjálfri.

Endilega kíkið á glæsilega nemendur okkar!

Frábærar viðtökur á Pétur Pan!

[vc_row][vc_column width=“1/1″][vc_single_image image=“1638″ img_link_target=“_self“ img_size=“960×305″][vc_column_text]

Árleg nemendasýning dansskólans fór fram á miðvikudaginn síðast liðinn, fyrir fullu húsi í Borgarleikhúsinu. Allir nemendur, sem eru í kringum 500 talsins, sýndu listir sínar á þremur sýningum yfir daginn. Þemað í ár var Pétur Pan og var það leikarinn Þorvaldur Davíð Kristjánsson sem fór með sögurþráð í bundnu máli. Nokkrir af nemendum fóru með leikhlutverk við textann við mikið lof áhorfenda. Sýningar dansskólans hafa vakið mikla athygli síðustu ár fyrir frumlegheit og leikhúsvæna upplifun. Punktinn yfir sýninguna setti svo hinn ástkæri söngvari Páll Óskar er hann tók lagið á meðan nemendur komu valhoppandi og klappandi inn á svið og þökkuðu fyrir sig. Þakið ætlaði að rifna af húsinu, þvílíkt var lófatakið. Frábær dagur að enda og hlaut sýningin mikið lof áhorfenda. Gleðin skein í hverju andliti nemenda og var góð og jákvæð stemmning baksviðs allan daginn. Það er ekki hægt að biðja um meira.

Kennarar skólans eru í skýjunum með frammistöðu nemenda og eru sýningarstjórar agndofa yfir viðtökunum. Við vissum að við værum með góða sýningu í höndunum og er frábært að heyra jákvæðar viðtökur frá foreldrum, ættingjum, vinum og öðrum áhorfendum sem sóttu sýninguna. Tölvupóstum hefur ringt inn á netfang skólans þar sem foreldrar lofsama sýninguna. Okkur þykir vænt um það og þökkum við ykkur kærlega fyrir hlý orð í okkar garð. Einnig þökkum við ykkur fyrir að taka ykkur tíma og senda okkur þessa tölvupósta.

Myndir frá sýningunni verða birtar hér á síðunni eftir helgina og eru atriðin væntanleg inn á heimasíðu og á YouTube síðu skólans innan 10 daga.

[/vc_column_text][/vc_column][/vc_row][vc_row][vc_column width=“1/1″][vc_gallery type=“nivo“ interval=“3″ images=“1656,1645,1649,1647,1644,1651,1653,1657,1652,1650,1648,1655,1654,1646″ onclick=“link_image“ custom_links_target=“_self“ title=“Hér má sjá nokkrar myndir frá sýningunni“ img_size=“880×587″][/vc_column][/vc_row]

Viðtal á Bravó

Stella og Nanna fóru í viðtal á sjónvarpsstöðinni Bravó í gærdag. Þar ræddu þær um nemendasýningu skólans sem fer fram á morgun í Borgarleikhúsinu. Fóru yfir starfsemi skólans, ræddu Justin Timberlake og dansara hans og tilkynntu komu Kameron Bink til landsins. En hann mun vera aðalkennari á fyrsta vornámskeiði skólans sem hefst 28. apríl.

Nánari upplýsingar um námskeiðið má finna hér á síðunni:

http://dansstudioworldclass.is/vornamskeid/

Viðtalið má sjá hér:

http://bravotv.is/stream/142

Danshelgi

Um helgina fer fram svokölluð, Danshelgi, í World Class í Laugum. Allir danshópar skólans sameinast á einum stað og æfa atriði sín fyrir nemendasýningu. Æfingar hefjast í dag, föstudag og standa yfir allan laugardaginn. Við búumst við mikilli stemmningu innanhúss og hlökkum til að fínstilla atriðin.

Skipulag er eftirfarandi:

FÖSTUDAGUR
Kl.17.00-18.45
Salur 3 – 13-15 ára Seltjarnarnes
Salur 4 – 13-15 ára Lugar

Kl.18.15-19.30
Salur 3 – 13-15 ára Ögurhvarf
Salur 4 – 13-15 ára Egilshöll

Kl.19.30-20.45
Salur 3 – 13-15 ára Mosfellsbær
Salur 4 – 16 plús Laugar

LAUGARDAGUR

Kl.8.30-9.45
Salur 3 – 7-9 ára Laugar/Nes

Kl. 8.30-9.30
Salur 4 – 7-9 ára Ögurhvarf

Kl.9.30-10.30
Salur 4 – 10-12 ára Ögurhvarf

Kl.9.45-11.00
Salur 3 – 10-12 ára Seltjarnarnes

Kl.11.30-12.25
Salur 4 – Barnadansar, 4-6 ára

Kl.12.30-13.45
Salur 3 – 10-12 ára Laugar
Salur 4 – 7-9 ára Egilshöll

Kl.13.45-15.00
Salur 3 – 7-9 ára Mosfellsbær
Salur 4 – 10-12 ára Egilshöll, hópur 1

Kl.15.00-16.15
Salur 3 – 10-12 ára Mosfellsbær, hópur 1
Salur 4 – 10-12 ára Egilshöll, hópur 2

Kl.16.15-17.30
Salur 3 – 10-12 ára Mosfellsbær, hópur 2
Salur 4 – 20 plús Laugar

Þorvaldur Davíð er kynnir


Það er okkur sönn ánægja að tilkynna að Þorvaldur Davíð Kristjánsson, leikari, mun sjá um kynningar á sýningunni okkar í ár. Hann er best þekktur fyrir leik sinn í íslensku kvikmyndinni Svartur Á Leik en gagnrýnendur hafa lofað hann fyrir frábæra frammistöðu í myndinni. Þessa dagana fer hann með aðalhlutverk í sýningunni, Furðulegt háttalag hunds um nótt, sem sýnt er í Borgarleikhúsinu um þessar mundir. Sýningin hefur hlotið lof gagnrýnenda og hvetjum við alla til þess að kíkja á sýninguna.

Við minnum á að miðasala er hafin en hún fer fram á midi.is og í afgreiðslu Borgarleikhússins í s. 568 8000.

Sjáumst í Borgarleikhúsinu!

 

Miðasala hafin!


Miðasala er hafin á nemendasýningu dansskólans sem fer fram á stóra sviði Borgarleikhússins, miðvikudaginn 2. apríl, næst komandi.

Miða er hægt að nálgast á midi.is, undir nafninu Pétur Pan, og í miðasölu Borgarleikhússins í s. 568 8000.  Miðaverð á sýninguna er 2.400 kr.

Eins og fram hefur komið í fyrri fréttabréfum þá hefur skólinn tekinn mikinn vaxtarkipp á þessari önn og því búumst við góðri aðsókn á sýninguna. Undanfarin ár hefur verið uppselt á báðar sýningar og búumst við ekki við öðru í ár. Við hvetjum ykkur til þess að tryggja ykkur miða hið fyrsta. Ástæðan er sú að við viljum eiga kost á því að bæta þriðju sýningunni við, ef þess þarf. Þetta er uppskeruhátíð skólans og jafnframt fjölskyldudagur. Við viljum geta tekið á móti öllum þeim sem vilja samgleðjast okkur og eyða deginum í leikhúsinu að njóta afrakstur vorannar.

Því biðlum við til ykkar, kæru foreldrar, vinir og fjölskylda um að aðstoða okkur. Það gerið þið með því að tryggja ykkur miða hið fyrsta svo við getum gert viðeigandi ráðstafanir ef þess þarf.

Pétur Pan þema á nemendasýningu

Árleg nemendasýning dansskólans fer fram í Borgarleikhúsinu á vorönn. Nemendur skólans sameinast allir undir þaki leikhússins í lok vorannar og sýna listir sínar. Allir nemendur skólans þátt í að setja upp glæsilega sýningu sem er þematengd og færir dansæfingarnar í danssal yfir á stórt og viðamikið svið.

DANSSKÓLINN ÞEKKTUR FYRIR GLÆSILEG SÝNINGAR
Dansskólinn er löngum orðinn þekktur fyrir nemendasýningar sínar en þar er skólinn í sérflokki. Dansstúdíó World Class er eini dansskólinn sem virkilega tvinnar saman leik og dans í árlegum uppfærslum sínum. Gestir á sýningum skólans hafa líkt þeim við leikhúsuppfærslur og verið í hæstánægð í lok hverrar sýningar. Fyrsta nemendasýning skólans í Borgarleikhúsinu var árið 2008 og hafa uppfærslur okkar farið fram þar í húsi alla daga síðan. Sýningin stækkar í sniðum með hverju ári sem líður og kennarar skólans setja ekkert þak á sköpunarþörfina og ímyndunaraflið þegar líða tekur að undirbúningi sýningar. Mikið er lagt upp úr hverju atriði sem og búningum, lagavali og útliti sýningar. Markmiðið með sýningunni er að allir hafi gaman af og fái reynslu af sviðsframkomu.

UM PÉTUR PAN
Í ár höfum við ákveðið að setja upp sýningu byggða á ævintýrum Péturs Pan í Hvergilandi. Teiknimyndin um Pétur Pan, úr smiðju Walt Disney, er börnum landsins ekki ókunn enda víðfræg saga með fallegan boðskap. En sagan af töfradrengnum síunga Pétri Pan er löngu orðin sígild bæði meðal barna og fullorðinna. Saga hans hefur komið út í ótal útgáfum, leikgerðum, söngleikum, teiknimyndum og bíómyndum. Pétur Pan býr í Hvergilandi þar sem tíminn líður ekki og því heldur hann eilífri æsku sinni. Pétur Pan fer fyrir hópi stráka sem kalla sig Týndu drengina og þeir eiga engan að nema hann. Pétur Pan getur heimsótt mannheima að vild og ferðast þá venjulega í samfloti með litlum álfi sem heitir Skellibjalla. Á einu ferðalagi sínu hittir hann fyrir Vöndu og bræður hennar og ævintýrið vindur upp á sig.

Við hlökkum mikið til þessarar uppsetningar og er undirbúningur strax hafinn af krafti. Sýningin mun líkt og fyrri ár gera dansinum hátt undir höfði með glæsilegum atriðum sem nemendur munu æfa upp ásamt kennara sínum á vorönn. Við sameinumst svo öll í Borgarleikhúsinu á gæfuríkum degi og njótum afraksturs vetrarins.

SÝNINGARDAGUR
Um tvær sýningar er að ræða og fara þær báðar fram miðvikudaginn 2. apríl. Tímasetningar auglýstar síðar.

Fjör í danstímum

[vc_row][vc_column][vc_single_image image=“1563″ img_link_target=“_self“ img_size=“960×305″][vc_column_text]

Mikið fjör hefur verið í dansstímum fyrstu vikurnar og ekki leynir gleðin sér á meðal nemenda. Danshópar okkar eru vel sóttir og líkt og áður hefur fram komið hér á síðunni, þá er eftirspurn umfram framboð í nokkra danshópa. Við erum ótrúlega heppin með nemendur sem eru áhugasamir og metnaðarfullir og eru strax farnir að taka framförum. Við hlökkum því til að eyða næstu vikum í skemmtilegum danstímum þar sem há markmið eru sett og þeim náð.

Við höfum birt mikið af skemmtilegum myndum úr danstímum á Instagram og Facebook síðu skólans undanfarið og má sjá nokkrar þeirra, hér að neðan.

[/vc_column_text][/vc_column][/vc_row][vc_row][vc_column width=“1/1″][vc_gallery type=“image_grid“ interval=“3″ images=“1551,1552,1550,1549,1548,1547″ onclick=“link_image“ custom_links_target=“_self“ title=“Svipmyndir úr danstímum“][/vc_column][/vc_row][vc_row][vc_column width=“1/1″][/vc_column][/vc_row]