Miðasala er nú formlega hafin á nemendasýningu skólans. Miða er að finna á heimasíðunni tix.is og er beinan link að finna hér, https://tix.is/is/event/2681/nemendasyning-dwc/

Greiða þarf fullt verð fyrir börn á sýninguna þar sem ekki er veittur afsláttur af verði. Þetta er eini viðburður skólans þar sem börnum er ekki veittur aðgangur frítt eða á lágmarksgjaldi. Því miður er ekki leyfilegt að sitja undir börnum í leikhúsinu samkvæmt reglum frá Brunavarnareftirlitinu.

Miðaverð er 2.800 kr.

Miðasala fer einnig fram í miðasölu Borgarleikhússins í s.568 8000.

Þema á nemendasýningu skólans hefur nú verið tilkynnt en í ár verður sýningin byggð á ævintýrum Aladdin. Er þetta þriðja árið í röð þar sem ákveðið hefur verið að byggja sýninguna á einni af vinsælustu teiknimyndum Disney samsteypunnar. Sýningin spannar allt frá grimmum og illum töfrabrögðum Jafar til gleðidansa andans blá sem öllum ætti að vera kunnugur. Aladdin sjálfur spilar að sjálsögðu stórt hlutverk með fjölbreyttum og skemmtilegum uppátækjum sínum í von um að vinna hjarta Jasmín prinsessu. Mikið verður lagt upp úr upplifun áhorfenda og sjónarspili leikhússins. Skólinn er löngum orðinn þekktur fyrir glæsilegar nemendasýningar sínar en þær eru árlegur viðburður á vorönn. Sýningin fer fram á stóra sviði Borgarleikhússins að venju.

Skólinn hefur tekið stóran vaxtarkipp að undanförnu og því ber að fagna. Þar af leiðandi eru sýningardagarnir tveir í ár en það eru:

Laugardagurinn 2. apríl og mánudagurinn 4. apríl.

Nemendur skólans sameinast allir undir þaki leikhússins og sýna listir sínar. Mikið er lagt upp úr hverju atriði sem og búningum, lagavali og útliti sýningar. Markmiðið með sýningunni er að allir hafi gaman af og fái reynslu af sviðsframkomu.

Danshópum verður skipt niður á sýningardaga en nemendur í Egilshöll, Laugum og Seltjarnarnesi sýna á fyrr sýningu sem fer fram laugardaginn 2. apríl. Nemendur í Mosfellsbæ og Ögurhvarfi sýna á seinni sýningu sem fer fram mánudaginn 4. apríl.

Kennarar hafa strax hafist handa við undirbúning á sýningunni og erum við spennt að hefja æfingar með nemendum þegar líður á önnina.

Dansprufur fyrir yngri danshóp skólans fara fram í dag í World Class í Laugum. Prufurnar hefjast kl.13.30 en eiga nemendur sem hafa skráð sig í prufur að mæta kl.13.00. Yfir 100 nemendur hafa staðfest þátttöku sína og eru kennarar spenntir að sjá nemendur sýna sínar bestu hliðar á dansgólfinu í dag.

Dómnefnd skipa nokkrir af kennurum skólans en það eru þær:
Bergdís Rún Jónasdóttir
Jóna Kristín Benediktsdóttir
Sandra Björg Helgadóttir
Stella Rósenkranz, deildarstjóri

Áætlað er að prufum ljúki kl.16.00.

Hlökkum til að eyða deginum með glæsilegum nemendum skólans.

Það gleður okkur að tilkynna að loksins getum við boðið upp á rafræna ráðstöfun frístundastyrkja. Auk þess er skráningarkerfi okkar komið í lag og því er nú hægt að ganga frá skráningum í alla hópa rafrænt hér á heimasíðunni okkar undir, Skráning. Varðandi rástöfun frístundastyrkja þá er allar upplýsingar að finna hér að neðan.

REYKJAVÍK – KÓPAVOGUR – MOSFELLSBÆR

Hér eftir fara foreldrar inn á síðuna, worldclass.felog.is, ef nýta á frístundakort til þess að greiða fyrir dansnámið og ganga frá skráningu í leiðinni. Einnig skal fara inn á þessa síðu ef óskað er eftir að dreifa greiðslum á námskeiði þó ekki sé verið að nýta styrkinn. Greiðsludreifingu er hægt að skipta í þrennt.

SELTJARNARNES

HAFNARFJÖRÐUR OG GARÐABÆR

Nemendur úr Garðabæ og Hafnarfirði geta framvísað greiðslukvittun á bæjarskrifstofum gegn endurgreiðslu hvatapeninga í hverju bæjarfélagi fyrir sig.

GREIÐSLUDREIFING
Ef óskað er eftir greiðsludreifingu þá er einnig hægt að framkvæma hana á sömu slóð, worldclass.felog.is. Greiðsludreifingu er hægt að skipta í þrennt og gengurðu frá skráningu samhliða skiptingunni greiðslu á vefslóðinni sem við gáfum upp.