Skemmtilegur dagur er framundan hjá skólanum í dag þar sem allir danshópar sameinast í World Class í Laugum til þess að undirbúa nemendasýningu. Fyrstu hópar hefja æfingar kl.09.00 og þeir síðustu kl.19.00. Það verður gaman að sjá alla nemendur hittast og undirbúa æfingar sínar.

Skipting danshópa er eftirafarandi:

Kl.09.00-10.00

7-9 ára Laugar – Salur 3

7-9 ára Egilshöll – Salur 4

Kl.10.00-11.00

10-12 ára Laugar – Salur 3

10-12 ára Egilhsöll 1 – Salur 4

Kl.11.00-12.00

7-9 ára Seltjarnarnes – Salur 3

10-12 ára Egilshöll II – Salur 4

Kl.12.00-13.00

10-12 ára Seltjarnarnes – Salur 3

10-12 ára Ögurhvarf I – Salur 4

Kl.13.00-14.00

7-9 ára Mosfellsbær – Salur 3

10-12 ára Ögurhvarf II – Salur 4

Kl.14.00-15.00

7-9 ára Ögurhvarf – Salur 3

13-15 ára Seltjarnarnes – Salur 4

Kl.15.00-16.00

10-12 ára Mosfellsbær I – Salur 3

20 plús Laugar – Salur 4

Kl.16.00-17.00

10-12 ára Mosfellsbær II – Salur 3

13-15 ára Egilshöll – Salur 4

Kl.17.00-18.00

13-15 ára Ögurhvarf – Salur 3

16 plús Egilshöll – Salur 4

Kl.18.00-19.00

13-15 ára Laugar – Salur 3

13-15 ára Mosfellsbær – Salur 4

Kl.19.00-20.00

16 plús Mosfellsbær – Salur 4

[/vc_column_text][/vc_column][/vc_row][vc_row][vc_column width=“1/1″][/vc_column][/vc_row]

 Miðasala á nemendasýningu skólans er hafin á midi.is og í miðasölu Borgarleikhússins í s. 568 8000. Eins og áður hefur fram komið þá er um að ræða þrjár sýningar, kl.16.00 / 17.30 og 19.00.

[vc_row][vc_column][vc_column_text]

Saturday Night Fever er glæsileg sýning sem Verzunarskóli Íslands setur upp í ár og að sjálfsögðu erum við stolt að eiga fullt af flottum dönsurum, sem sýna sínar allra bestu hliðar, á diskógólfi sýningarinnar. Fjölmennasti hópur skólans er 16 plús danshópurinn í Laugum en þar eru 70 nemendur saman komnir tvisvar sinnum í viku og gefa allt sitt í dansinn. Stór hluti af þeim eru nemendur í Verzlunarskólanum og taka þátt í þessari uppsetningu skólans. Sýningunni er leikstýrt af Þorvaldi Davíð Kristjánssyni og handritið er skrifað af sjónvarpsstjörnunni og skemmtikraftinum Birni Braga Arnarsyni. Sýningin er bráðskemmtileg og fyndin og hvetjum við nemendur skólans svo sannarlega til þess að nýta tækifærið og sjá síðustu sýninguna í dag. Miðasala fer fram á midi.is.

[/vc_column_text][/vc_column][/vc_row]

[vc_row][vc_column][vc_column_text]

Opni tæknitíminn fór fram í dag. Þátttakan var vonum framar en 36 nemendur lögðu leið sína í World Class í Kringlunni til þess að bæta sig í tækniæfingum. Þetta er ekki í fyrsta skipti sem skólinn býður upp á slíkan tíma en áður fyrr hafa undirtektir ekki verið jafn miklar. Svo virðist sem dansararnir okkar hafi enn meiri metnað og áhuga en áður og eftirspurn hefur svo sannarlega skapast eftir fleiri sérhæfðum danstímum af þessum toga. Við tökum því fagnandi og munum svo sannarlega verða við því.

Danstíminn gekk rosalega vel samkvæmt Thelmu Christel kennara. Hún tók fram að hún hafi fundið fyrir smá stressi hjá sumum nemendum í upphafi tímans og að það sé skiljanlegt. Hún hafi farið hratt yfir í fyrstu áður en hún hægði á kennslunni. Nemendur skólans eru margir hverjir með mismunandi bakgrunn og mis góð tök á tækniæfingum en margir nemendanna hafi komið sjálfum sér á óvart í tímanum. Nemendur réðu við meira en þeir héldu og voru fljótir að leiðrétta þá þætti sem þeir þurftu að bæta við framkvæmd æfinganna. Í lok tímans voru allar æfingarnar bundnar saman í stutta dansrútínu og náðu lang flestir góðum tökum á henni. Einbeitingin leyndi sér ekki allan tímann og andrúmsloftið var frábært.

Við erum hrikalega ánægð að sjá aukinn áhuga fyrir tímum sem þessum og erum stolt af þeim nemendum sem nýttu sér tækifærið til að bæta sig enn frekar. Við erum strax farin að skipuleggja næsta tíma svo fylgist með hér á heimasíðunni og á Facebook síðu skólans.

[/vc_column_text][vc_gallery type=“image_grid“ interval=“3″ images=“2943,2944,2945,2946,2947,2948,2949,2950,2951,2952,2953,2954,2955″ onclick=“link_image“ custom_links_target=“_self“ title=“Myndir úr tímanum“][/vc_column][/vc_row]

Við erum hrikalega spennt að tilkynna að fyrsti danshópur skólans verður stofnaður á vorönn. Síðustu ár hafa nemendur okkar náð gífurlegum framförum og hefur grunnur í yngri hópum svo sannarlega skilað sér. Það sýnir sig greinilega í unglingahópum skólans í flokki 13-16 ára.

Dansprufur munu fara fram föstudaginn 27. febrúar næst komandi. Með því móti viljum við gefa öllum nemendum okkar á aldrinum 13-16 ára kost á að spreyta sig í prufunum og eiga möguleika á að verða hluti af danshópnum. Allt eru þetta metnaðarfullir dansarar í unglingahópum okkar og hlökkum við til að sjá þau leggja sig fram í prufunum. Við inntöku er horft til getu, metnaðar og tjáningar nemenda. Við leitum að einstaklingum sem geisla af gleði og áhuga, eru einbeittir í að bæta sig og eru gott fordæmi fyrir yngri og eldri dansara skólans.

Hlutverk danshópsins verður að koma fram fyrir hönd skólans og taka þátt í þeim verkefnum sem skólinn stendur fyrir.

Skráning í dansprufur fer fram á netfangi skólans: dwc@worldclass.is. Prufurnar fara fram í World Class í Laugum kl.17.30.

Hlökkum til að sjá alla hæfileikaríku dansarana okkar í prufunum!