Opinn valtími í dag

Fyrsti valtími annarinnar fer fram í dag, föstudag, kl.17.00-18.00 í World Class í Laugum. Modern og Contemporary heitir tíminn og er ætlaður þeim nemendum sem vilja auka við þekkingu sína á sviði tækniæfinga og samsetningu á dansrútínum (choreography).

Mikill áhugi er fyrir tímanum á meðal nemenda skólans og búumst við við því að sjá marga af nemendum okkar í tímanum í dag. Sérstakt skráningartilboð verður á tímanum yfir helgina en verð fyrir nemendur sem skrá sig fyrir mánudaginn 20. janúar er 5.900 kr. Fullt námskeiðverð er 7.900 kr.

Opinn prufutími verður í dag og hvetjum við alla dansþyrsta dansara til þess að mæta og kynna sér tímann.