Takk fyrir frábæra vorönn elsku dansfjölskylda!

Vorönn er nú lokið og viljum við þakka öllum frábæru nemendum okkar fyrir önnina. Þvílíkt sem það hefur verið gaman að vera með ykkur og verða vitni að þeim gífurlega árangri sem þið hafið náð. Metnaðarfyllri og skemmtilegri nemendur er ekki hægt að finna. Frammistaða nemenda á nemendasýningunni var ótrúleg og fáum við kennarar gæsahúð þegar við hugsum til baka. Það er æðislegt að fara inn á YouTube síðu skólans og endurupplifa sýninguna. Þið eruð stórkostleg.

Við hlökkum mikið til að hitta nemendur okkar að nýju og vonumst til að sjá sem flesta á vornámskeiði skólans en það hefst 27. apríl. Upplýsingar um námskeiðið er að finna á heimasíðu skólans. Skráning hefst á fimmtudaginn kemur.

Enn og aftur… takk fyrir vorönn elsku nemendur. Dans er það allra skemmtilegasta í heimi og þið eruð besta dansfjölskylda sem hugsast getur.

Áfram við!